【綠腳丫Baby讀書會】

好開心呀! 終於有我地既讀書會喇!

仲可以同同年同月同日生既BB坐埋一齊讀書!

早一個月前join左【綠腳丫Baby讀書會】，呢個組織係透過協助家長自組讀書會，定期舉行共讀共玩活動，推動BB 係發展早期接觸書本，佢地有一句講得好好- 書本其實都係玩具既一種。

突然有被點醒既感覺，小肥媽以前覺得讀書目的係為左上大學搵好工生活好D，為謀生而此既工具，睇書只係為交功課。亦可能細個被人迫讀書迫得多, 好唔鐘意睇書。所以因為咁樣, 我miss左好多好玩既書。唉...

有幸認識到【綠腳丫】佢將書本既定義改寫,仲有個平台可以俾一班媽媽交流同組團開讀書會。最值得一提既係每次讀書會活動都會由家長輪流帶領, 主題同延伸活動都需要每個組員去諗去準備, 令到大家都會有團隊既歸屬感。

今次讀書會資料:

年紀：16個月

主題：身體

玩物：自製身体貼貼拼拼 // 踏踏冰毛巾 摸摸冰塊 // 彩虹傘 // 簡單手勢

繪本 ：自家劃嘅繪本 // 痛痛飛走了 // 身体的各位 // 簡單手勢

紫菜芝士蛋卷

 

兩個星期冇煮嘢食，今日早起身就整個蛋卷俾肥仔啦！

豐盛節 - 嘉道理農場暨植物園

自制花盆

豐盛節 11月12至13日

早排有留意開Facebook既應該都被嘉道理農場個sponsor廣告日日洗牆。好啦見咁大自然又多手作野玩，小肥子一家上星期日就出發去玩喇! 之前post提過嘉道理農場係值得一去再去既地方，咁岩今次有個<<豐盛節>>顧名思義就係豐收既日子，旨在感謝大自然賜予我地生命力量既訊息。 

入場$30/人，一上樓梯到平台就見到好多攤位做特色手作如浴鹽制作、自己畫既盆栽、大自然樂器等 - $10/次。再行上D就有免費印度彩繪、粉筆畫創作、面部彩繪等等，仲有好多本地手作擺檔。如果預先報名的話仲有大自然工作坊可以參加好似 - 秋日漬物、秋冬特飲等。Well，確實有好多野睇同玩不過排隊都要等好耐。

小肥子一家制作左個花盆(最後交由肥爸美化)，工作人員種左2塊葉係我地個花盆到就完成喇! 肥仔同肥媽仲整左印度彩繪!開心到肥仔不停指住我手用BB話同我地講: "媽!我都有呀"

Overall 今日好好玩，希望有更多類似既節目俾香港人!

嘉道理農場暨植物園 (Kadoorie Farm and Botanic Garden)

香港新界大埔林錦公路

交通: 九巴64K

泊車: 免費停車場泊入園內 (星期六日去的話要預早book泊車)

蚊患程度: 中

上堂

好專心上堂............ 左3分鐘

保護色

而家連貓都有保護色...

小肥子Facebook
小肥子Instagram

青龍頭-圓墩 (大欖郊野公園)

牛牛+小肥家

想行個山睇風景又唔駛排隊等影相,而且BB車都去到既地方呢到有一個: 青龍頭 > 深井沉澱池 >圓墩

深井沉澱池

全程慢行只需要個半鐘，冇樓梯，風景同大棠差不多。揸車去青山公路到青龍頭宜泊到深井沉澱池。一個好平靜水清清既池+一山岥斜路，肥仔坐係我前面望左個池好耐都唔捨得走(你係咪訓左覺呀其實?) 沿番條路行去大欖自然教育徑 < > 圓墩民安隊訓練營地。

民安隊呢邊有2個大草地，第一個近入口草地細DD，行入D第二個草地大但係好多牛牛同牛屎，建議要草原奔放去入口處草地。

小肥子第一次見牛牛好興奮，竟然唔驚主動走過去同佢地say hi! 嗯..你記住小心牛屎呀BB, 媽媽唔想洗牛屎呀....

沿路出番去走人，衰仔唔肯行唔肯坐車仔一定要抱! 攰死我喇..

青龍頭-圓墩 (大欖郊野公園)

青山公路入

交通: 青山公路青龍頭碼頭下車，沿車道往上行走

泊車: 直接揸上深井沉澱池

其他: 無補給, 自備食物同水

蚊患程度: 低

南生圍

南生圍因小鱷魚「貝貝」而開始有名，一個充滿自然生態的綠洲。

踩單車，放狗，pre-wedding拍攝勝地。除左垃圾桶外，隨隨便便影相都係靚。一個好自然既地方被錦田河及山貝河包圍，有大片草地景色優美。

揸車直接揸到入大草原又得，係元朗西鐵站步行去橫水渡過河亦得，可以運到單車BB車架! 一過河就會見到有幾間士多可補給，沿著河邊遊一圈如無意外係唔會走失好易行。行15分鐘左右就會到好好好多人影相既婚紗之橋喇! 假日想行過去影相係要排隊的，提提大家條木橋以前因為太多人上去，老化問題日益嚴重已經倒塌過一次，而家係再起過架! 希望各位好好愛惜呢條木橋。**by the way剛剛10月中去過條木橋而家都鬆鬆地要小心上落。

再行入少少就會去到大草原，好多人會係到放狗野餐同放飛機，同埋----- 肥仔自由奔放既開始….

唔知係咪近年多左國內同胞，眼見南生圍隔一段路地下就見到垃圾膠樽同多左蚊。唔該各位遊人自己帶走垃圾出番去先掉。

>>南生圍 (Nam Sang Wai)

元朗

點去/交通:元朗西鐵站G2出口>元朗舊墟路>山貝路>南生圍” 的指示牌>横水渡船的碼頭

揸車: 可直入南生圍路，不過盡量避免泊架車係到啦! 始終單程路又係自然生態

蚊患程度: 高(隔住條褲都俾蚊咬)

小肥子Facebook
小肥子Instagram

嘉道理農場暨植物園

呢到對小肥媽唔會陌生，因為基本上嘉道理農場係小學生必去既學校旅行地方，亦都係好多20年前既80後小朋友同爸爸媽媽family day好去處。

山谷清溪，保育，菜園，自然教育，動物，專車導賞 > 呢個就係嘉道理農場帶俾你既野。 入場費$30/成人，可以俾多$10有專車導賞團(唔好睇少呢$10, 佢真係會帶你由山頂玩到落山腳)

地方好大任跑，岩晒小朋友放電。帶小肥子黎既時候剛剛係佢學識行既果段日子，所以小肥子經常扭落地唔駛我地抱住真係輕鬆好多，唯一就係你要親眼望住佢不斷跌企再企起身....行得好慢好慢。我地下晝黎到嘉道理農場，只係山下睇下農作物同動物清溪都玩左3個鐘，每季都有好多特色植物同靚地方取景影相。好啦!我地等佢個秋季豐盛節再黎啦!

PS 好慶幸佢仲屹立係大帽山冇俾地產商鏟走。

>>嘉道理農場暨植物園 (Kadoorie Farm and Botanic Garden)

香港新界大埔林錦公路

交通: http://www.kfbg.org/chi/directions-kfbg.aspx

泊車: 免費停車場泊入園內 (星期六日去的話要預早book泊車)

蚊患程度: 中

小肥子Facebook
小肥子Instagram

個頭，正到暈！😂😂

小肥子Facebook
小肥子Instagram

香港科技大學（HKUST）

去野餐喎~梗係要夾D煮野食高手啦! 

今次同幾個同事+朋友一家黎到香港科技大學(科大) LG7 既大草地，由於有新手關係，我地早兩日都溝通過各人要帶D乜, 基本如下:

1) 野餐墊

2) 個人餐具(盡量帶D用得番既餐具)

3) 一人一款自制食物

4) 飲品

5) 玩既野...

我地2點半揸車黎到科大南閘，訪客泊車頭2小時$10/hr之後$50/hr，揸車可直接去到LG7 大草地隔離泊車，不過沿途係冇乜指示牌架記住係閘到問下管理員叔叔點行。 如果搭車黎可以係校園正門入口搭lift落LG7就到了，仲方便!

題外話: 科大有百佳，Starbuck，canteen仲好多野食，如果冇帶食物可以直接係到食，大草地隔離就係canteen,仲有枱係出面。

小肥子同另一個BB女係到攪亂檔，趁爸爸們帶佢地出去玩波波玩沙玩人地架三輪車時，我地就開餐喇呵呵呵! 草地算OK係間唔中見到禿禿地有沙, 唔知係咪就快打風問題覺得有D焗冇乜風。唔怕遠其實係幾好的。

>>香港科技大學 (HKUST)

香港新界西貢區大埔仔

交通: http://nlss.ust.hk/zh-hk/getting-to-hkust

泊車: 科大南閘入，頭2小時$10/hr之後$50/hr，可直去草地泊車

費用: 開放俾公眾

帳篷: 可以

補給: 百佳，Starbuck，canteen

蚊患程度: 低

小肥子Facebook
小肥子Instagram