小肥家提早做節の飛驒牛燒

冬至將到，有沒有約好家人一起吃個豐富的晚飯?  以前經常聽到別人說「冬至大過年」- 除了農曆新年, 冬至可說是最緊張最重要的一家人團聚日子。

昨天小肥家提早做冬+慶祝第2000個拍拖紀念日, 肥爸帶左我與小肥去左位於尖東既【和牛燒肉純】食燒肉。餐廳提供BB椅及餐具, 當你被帶位入埋台座後, 侍應姐姐就會送上Minion小餐具俾小肥，而且仲提供埋暖水俾小肥, 真係好細心。

「純」在東京開業 15 年，旗下有4間分店，店裡的日本和牛一切以優質行先，只取 A4 和 A5 級。而我地黎主要就係食佢既飛驒牛。

飛驒牛擁有日本第一牛的品牌地位,優質的脂肪分佈,霜降紋理條理分明,猶如晝作,肉質柔軟入口細膩融化。

我地叫左一個飛驒牛套餐(2人前), 由頭盤主菜食到甜品一條龍不用想太多。

先黎個日本產豚肉沙律

蔬菜同豚肉好新鮮加上酸酸地既汁-開胃!

飛驒牛入口即溶, 小肥食完又食…..(留番D俾我好喎BB)

特選和牛朴葉味噌燒

食到差不多就會上埋個和牛炒飯同湯。小肥食慣左飛驒牛，食番和牛炒飯D牛肉竟然唔食lur番出黎!

最後上埋甜品就完成左個晚餐了!

好滿足! 多謝肥爸帶我地黎食好野。拍拖2000日快樂!

和牛燒肉‧純

網址: https://s.openrice.com/QrbS0iT0200

地址: 尖沙咀 東部加連威老道96號希爾頓大廈1樓3號舖

電話: 2723 3868

Daddy，我仲要hold幾耐?

不經意地影下這張小肥的性感pose照。

智能電話的普及令到整個世界都改變了。

小時候不是所有父母都擁有一台菲林相機，幸運的擁有者都視攝影為一個重要的環節，只因那個年代每張相都是一個消費品，所以相中人都是擺好了pose, 微笑, 一家人企得齊齊整整的大合照。 比對現在，攝影都有隋手可做之事，環顧身邊的人誰的電話沒有攝影功能?

數碼科技來到民間，自己的手提電話裡相片氾濫成災。真好, 我們可以無條件地自由的將自己鍾愛的人和事拍低，就算是剛睡醒, 反白眼, 口裡塞滿食物時的情景也不放過。

如果唔係咁, 又點會發現小肥原來可以咁性感? XDXD

【16M‧日本】四國自駕遊

一年內第三次帶住小肥去旅行。1次用腳遊2次自駕，好明顯腳遊那次每晚回到酒店都累到食消夜都放棄。

自駕辛苦嗎? 睇你點玩去邊到 – 有小孩自駕遊會比較輕鬆，帶B出走行李固然多，2大行李加BB車，Daddy 有相機+鏡頭s+腳架+電腦，唔租車怎可能? 車上又可餵奶換片，想去就去停就停。當然司機爸爸為了趕快到目的地閒閒地踩足2,3小時車冇停過真係好偉大的。

呢次旅行連同家人一行六成人+B，平時一家三口咁多行李都要租架5人車先夠，今趟7個人真的頭痛(其實日本有10人車租，不過就真係會攪到揸車果個變左司機，同乘客好有隔膜) 所以最後揀左8人家庭車。

今次日本四國自駕遊係透過EGL訂W3系列車，比較過幾間大型的租車公司，估唔到EGL價錢(包保險)最好，用指定信用卡仲有折。另外，識日文的話可以直接向日本租車公司租，聽說是最抵的。

W3系列: Alphard/Vellfire或同類型車

你可以親自前去EGL或者上網訂，當你確認左車款後，約2-3日會知道有冇你想要既車之後確認訂單。

 *6歲以下小童一定要坐 car seat，所以訂車時要計埋小朋友座位!


講番四國之旅­ - 到達高松機場，落到去到門口就見到租車公司，登記好資料後租車公司就會帶你搭乘佢專用車去車場攞車。
到達車場，眼見全部車都好乾淨。剛有車回來，職員收車後立即好細心打掃。

我們一行7人租左架Toyota Estima。初頭見到都驚上唔晒行李，估唔到車尾夠深，真係剛剛好放到3大1小行李! (今次唔敢帶BB車)架車超乾淨，上車後職員好用心教導如何使用車上的GPS。

使用日本的GPS很簡單，只要輸入電話號碼就可以搵到目的地與路線，而且會有空氣指數提示你開窗吸下新鮮空氣。不過，建議使用手機google map，google map可以即時知道路面情況，如有任何塞車情況可以立即換另一條路線，而且可以聽番母語，對眼睇唔切都可以聽到幾時轉彎。

四國既高速公路好多都有路段收費，我地架車內罝左ETC卡機 (類似香港Autotoll，不過可以用買卡形式俾錢)，有買ETC卡可直接插入車內讀卡機，詳細可參考: http://www.travelclassroom.net/2016/06/tocoo-expressway-pass.html

每逄接近收費路段，車內ETC卡機會嘟一聲提示，到收費亭就會自動出飛俾你。張飛要黎記錄你既旅程，到達你要出既路段就會有職員係收費亭等你俾錢。四國高速公路收費唔平，行一小時左右會收大約5000YEN路費，請預備零錢。

*收費路段不設休息站，如想休息下就要出番收費路段。

四國行程除了JR環島遊，基本上就肯定係自駕遊。景點同景點之間路程都幾遠，所以一定要預番時間同一定日數玩四國。
我地去左3個縣 -香川・愛媛・高知，玩左6天，時間好唔夠! (去玩點會嫌多!) 所以要好好計劃行程!

小肥子星球 Facebook Page

小肥子星球 Instagram
小肥媽個人網誌
Mybb.com Blogger
Mamibuy 駐站部落客
ESDlife 靚太Club

【出去走走】金山郊野公園 (馬騮山)

秋高氣爽同肥仔行山去。

揀左個heahea地又山又水又動物又貼近市區既地方 - 馬騮山。金山家樂徑屬於非常易行既路線，馬騮出晒名唔怕人同搶食物，勝在條路平闊又有樹蔭，帶住識行既BB好OK! 我地朝早10點就上到黎行山客都多。由大埔道入拖住肥仔行15分鐘唔駛就見到水塘，風景唔錯。

沿途會馬騮出沒，帶小朋友建議自備行山杖/長遮揸手會穩陣D。

>>金山郊野公園 (馬騮山)

麥理浩徑第六段

交通: 72,81,86B巴士於石梨貝水塘站下車

泊車: 金山郊野公園人口斜對面錶位停車場

蚊患程度: 低

小肥子星球 Facebook Page

小肥子星球 Instagram
小肥媽個人網誌
Mybb.com Blogger
Mamibuy 駐站部落客
ESDlife 靚太Club

【BB外遊】搭廉航不是夢

小肥16個月識行識走識與人交流，一家人搭廉航慳錢不是夢。

話雖如此，訂機票前都要比較一下廉航是否適合自己，尤其帶上小孩所有事西都要快狼準!

【廉航 vs 貴航】

廉航

hke, airasia, jetstar...

1) 做得廉航加上Crazy Sale 請有心理準備預左時間是你意想不到，當然有些Crazy Sale都會有點良心放售靚時間，小肥家是次去日本高松就是早機9點去晚機6點返。

2) 同一般航空公司一樣，2歲前可以買不佔座位嬰兒機票，2歲後小童票有位座。注意由於Crazy Sale關係，小童票價錢好大機會平過嬰兒機票。

3) 大多數廉航都不會提供飛機餐，BB籃及BB用品/食品。可以出發前訂餐, 價錢約

HK$70@

4) 除非加錢座第一排闊腳位/機門位，不要妄想航空公司會安排你同BB轉個好位。

5) 通常廉航都會在2號客運大樓check-in，而且登機閘去到老遠，記住預番時間上機。

另外你一定要知道:

6) 通常只限網上訂購機票，所以要同時鬥快搶機票又要知會老公/老婆行程計劃確實有點難度

7) 廉航的機票價錢只包人同手提行李, 不包寄倉行李費。如要寄倉一般都要加HK$200-$300 (20KG)

8) 出發前一定要查清楚起飛時間!delay可能性大過一般航空公司好多!

一般航空公司

1) 價錢平貴見仁見智, 時間自由選擇，都係錢作怪。

2) 上飛機BB肚餓唔駛怕，就算沒有麵包, 都實會有樽蘋果蓉俾你。

3) 有時候航空公司會聯同BB 產品商送BB袋俾你 (CX會有Mustela+尿片)

4) 對有需要人仕會有好貼心服務: 帶住BB優先上機, 先派餐...

後記

如果時間fit到, 價錢正, 帶住BB冇難度的話廉航既CP值真係好高架! 小肥家去日本搭廉航好輕鬆，回程時飛機唔滴, 小肥雖然係嬰兒機票但都有位座! 而且都覺得唔派餐其實都唔錯, 因為少人係走廊行來行去, BB可以安心訓覺

小肥子星球 Facebook Page

小肥子星球 Instagram
小肥媽個人網誌
Mybb.com Blogger
Mamibuy 駐站部落客
ESDlife 靚太Club

【半歲台北體驗】九份 x 平溪線

出門要帶既野(6M未加固):

1) 尿片x5

2) 濕紙巾

3) 換片墊

4) 阿bu

5) 波地撈唇

6) 沙巾 x 3

7) 後備衫x2

由於全日都要上上落落車, 所以決定唔出BB車直接孭上身，小肥媽孭小肥，肥爸就攪點晒相機同小肥物品。1月中氣溫15度左右, 小肥身穿一件長袖甲那衣+一件厚外衣已經好夠。

去九份有2種方法:

1) 坐火車到瑞芳再轉公車

2) 係捷運忠孝復興站搭1062號客運去九份，車程約2小時

九份主要影相同食野，基本上係跟團必到既旅遊區，亦有人選擇係到租一兩晚民宿，感受下冷冷細雨既氣氛。以前黎過九份多次，隔左幾年呢到都冇乜點變，不過今次帶埋小肥黎旅行，係另一番風味

完左九份行程就直落瑞芳車站轉搭平溪線  - 猴硐、十分、平溪、菁桐。

因為hea遊關係，成個行程都係隨意行，見某個車站冇乜人就落車睇下有咩發現。
*猴硐貓村 - 其實貓貓係俾人擺上台做招牌， 眼見貓村好多貓都係瘦猛猛而且有D仲有傷風好淒涼。反而我地最欣賞係行入D有條河，果到影相一流。可能係俾人孭住行既關係，肥仔一路都好好訓..

小肥子星球 Facebook Page

小肥子星球 Instagram
小肥媽個人網誌
Mybb.com Blogger
Mamibuy 駐站部落客
ESDlife 靚太Club

【半歲台北體驗】BB用品清單

【BB用品清單】

基本旅行用品清單見圖

小肥子係人奶B, 加上去台北時才剛6個月未加固, 出門旅行淨飲人奶確實好方便。衫褲片由於我地今次係去台北, 就算用晒都可以係當地買(帶少左唔係問題)。幾晚住同一酒店所以今次帶埋尿布係酒店訓覺用, 濕左布可以係酒店洗+掠， 4日慳左6塊片。

小肥子星球 Facebook Page

小肥子星球 Instagram
小肥媽個人網誌
Mybb.com Blogger
Mamibuy 駐站部落客
ESDlife 靚太Club